PHI Coffee & Pancake

已喺不同分店食過好食，環境好。今日lunch time 去雅蘭分店，同女侍應講上甜品，果醬另上(之前同一分店及Yoho分店都試過可以) ，目無表情黑面應我ok，等了大約20分鐘，見到加哂果醬落去，同佢講頭先有講到果醬另上，佢又係目無表情黑面呆咗，我話算了。其實咁嘅服務態度都可以嘅？無心情唔想做不如唔好返工

叫左個dinner二人set，main dish普通，menu圖片僅供參考，不要太大期望。反而d side dish我覺得出色d。 唯一警世：不推薦Tiramisu coffee。個cream係普通嘅heavy cream。都唔係mascarpone cheese打嘅，nothing tiramisu at all. 個coffee底本身反而唔錯。 另外，我叫risotto做risotto，staff聽唔明英文⋯ 我講完一輪先發現佢完全唔知我叫緊咩⋯ 要由頭指住講一次⋯ 既然餐廳提供英文同繁體雙語menu，我覺得員工要聽得明order係一件好合理嘅事⋯ 都唔係話你要英文好好，最基本menu上面有嘅菜式應該要知道。個staff有努力講唔咸唔淡嘅廣東話嘅，叫做好過冇囉⋯ 撇除呢點，其實服務態度都可以。

整體來講都好味道，咖啡味道都唔錯但無乜香味。 pancake都幾好味，炸魚未夠脆口反而薯條炸得夠香脆卜卜。

上網見到Menu同埋嘢食相覺得好夢幻，但其實個裝修冇自己想像中咁粉紅色，都係採用木系嘅裝修，望落係舒服嘅。知道呢間Café人氣都幾高，所以特登揀咗下午茶時間過嚟食嘢，咁就唔會食得好趕時間，可以同朋友慢慢坐、慢慢傾計。 ‣ 香濃龍蝦扁意粉 $208 ⭐️⭐️⭐️✨ 個龍蝦汁調味幾唔錯，唔會太鹹，而我覺得都掛汁，食落去其實都幾舒服。唯一一個缺點就係啲龍蝦肉比較少，同埋感覺上都比較似係小龍蝦，我自己期望再多番少少真·龍蝦肉就好。 ‣ 傳統卡邦尼意粉 $108 ⭐️⭐️⭐️ 卡邦尼意粉就正常發揮，奶香味比較重啲、creamy啲，我唔會用傳統嚟形容佢，但係味道上面我覺得正正常常，同其他Café差唔多，冇咩特別，會推薦大家可以試其他意粉或者飯。 ‣ 漆黑中的海鮮意大利飯 $115 ⭐️⭐️⭐️⭐️ 反而個飯我覺得係幾驚喜，雖然店員話可能會有啲鹹，但係其實我又覺得還好，又唔會覺得鹹。佢個調味做得幾唔錯，唔會覺得好重口味，食落去嘅時候都幾舒服，入面仲有蜆仔同八爪魚仔，食落口嘅時候冇沙，都唔會覺得特別腥。個人嚟講幾鍾意佢嘅墨魚汁，不過都係食完小心個嘴烏卒卒。 ‣ 藍莓希臘乳酪疏乎厘 $125 ⭐️⭐️⭐️⭐️ 我覺得舖頭主打嘅都係甜品而唔係正餐，佢嘅疏乎厘做得唔錯，入口嗰陣覺得好輕盈，除咗係我覺得中間嗰啲cream膩咗少少之外，搭配雪糕同埋藍莓醬一齊食真係一流。甜品嘅藍莓都俾得多，我覺得藍莓就酸甜適中，而藍莓醬都唔係特別甜嗰隻，對於個甜品我都幾滿意。同朋友分享大家好快就清晒，本身係驚好甜，所以揀咗最穩陣嘅味道嚟試吓，下次大家應該會揀返獨角獸疏乎厘，嗰個甜品打卡就真係一流。

【春節龍年火龍果主題🐲PHI Coffee & Pancake】 踏入龍年，PHI 推出火龍果主題menu ，充滿農曆新年氣氛。今次去咗位於旺角雅蘭中心嘅分店，方便就腳，餐廳以暖木系色調裝潢，環境舒適。餐廳主打梳乎厘、意粉、法式吐司、咖啡同埋各類輕食，種類繁多，今次一於試吓龍年限定嘅Pancake。 火龍報喜梳乎厘 梳乎厘淋上火龍果醬，紅噹噹色澤充滿新年氣氛，綠色小龍糖果賣相吸睛可愛，仲有龍年朱古力片同埋花瓣點綴，擺盤好有創意同埋心思。梳乎厘口感鬆軟，空氣感強，裏面有微微濕潤，帶有香濃蛋香，配上火龍果醬嘅忌廉嚟食，口感細膩幼滑。旁邊配有火龍果、士多啤梨同埋提子，健康又美味。 新春龍蝦扁意粉 龍蝦肉好足料，肉質鮮嫩彈牙，鮮香四溢，扁意粉軟硬度適中，口感煙韌富有彈性，意粉亦好掛汁，每條意粉都充滿濃厚龍蝦汁，好惹味。 龍之魅影法式吐司 金黃色嘅法式吐司有烘過，口感外脆內軟，充滿牛油香，加上雲呢拿雪糕，有冰火交融嘅感覺，吐司配搭咗火龍果、士多啤梨、火龍果、脆片等多重味道口感，好豐富。 炫彩火龍果沙冰 顏色嫩紅鮮艷嘅火龍果沙冰，火龍果肉加上牛奶一齊攪拌，賣相層次感十足，火龍果汁味道清甜，清新之餘仲好透心涼，配上大大片火龍果肉點綴，好足料。 Matcha Latte 抹茶鮮奶有吸睛嘅玫瑰拉花，Latte入口順滑，抹茶味道香醇，帶有濃郁抹茶回甘香氣，奶味亦好濃郁。

不負我望 之前喺美孚食過PHI，覺得啲嘢食幾好，尤其深刻係梳乎厘，今日喺旺角食😁 見到有個2人餐，比起單叫，幾抵食😆 炙燒柑吉沙律，還好，都覺得新鮮嘅😃 慢煮韓式牛肋骨，個牛肋骨真係好好食，肉質好好，又夠腍，薯蓉好creamy，仲有薯仔粒，好有咬感😋單叫要$218，喺2人餐，另一個選擇韓式楓糖熱香餅 單叫只係$118，相差$100，但二人餐只需要加28蚊就有牛肋骨，感覺好賺😇 辣番茄蟹肉扁意粉，賣相幾好，蕃茄汁幾好配搭扁意粉咬感幾好，幾彈牙😁蟹肉就正常發揮 手指椒雞扒沙律，好鐘意呢個沙律，雞扒好香及肉質又好，啲椒同菜都好清新，仲有個溫泉蛋都好正😋 香芋泥米麻糬奶茶，幾鐘意呢個，芋頭麻糬好好食😋仲要杯嘢唔太甜，啱我口味，我仲叫咗小冰添。 藍莓希臘乳酪梳乎厘，梳乎厘個質感真係好soft，係我食過最好質咁嘅梳乎厘，希臘乳酪同雪糕都好正😋二人餐用半價就食到 仲有今日book左位，可坐卡位，夠闊落，坐得舒服😁之前食聖誕餐送咗七折卷，今日可以大排用場喇

得甜品係好食, 其他都一般般, 埋左單之後先發現收多左一杯野飲錢 🫣 好彩未走, 即時搵職員退返錢

PHI Coffee & Pancake．大推龍年可愛吐司 新春佳節，當然出去搵好野食啦 呢間PHI就在雅蘭中心上面 非常方便，裝修好年輕 PHI 屬於木系小清新的cafe 對少女而言有一種無法抵抗的吸引力 再睇主打的甜品造型睇到主打一個靚字 從客人的數量而知，味道有一定水準 目測吸引的食客什麼年齡層都有 首先，主力是年輕人 其實，有不少chill級長老都中意食 而且心態好年輕 好中意同年輕人傾計 特色咖啡同新春出品是今次想吃的項目 焦糖脆脆鮮奶咖啡 咖啡味很香，有烘焙的香氣 鮮奶夠滑再配上好吃的焦糖脆脆 實在是不錯的咖啡 火龍果沙冰 新年當然要紅紅火火，此杯基本是全部來自火龍果的香甜 龍年飲龍果，清甜可口，又好意頭，讚一個！ 新春龍蝦意粉 個汁明顯是用了龍蝦湯做底，所以味道突出 意粉的口感整體不濕，但又好夠味 關鍵係意粉的掛汁力強， 再加上龍蝦肉又夠爽彈 係表現良好的作品 火龍果新年 French Toast 呢個好讚！個Toast口感勁鬆軟 煙韌好好食，是非一般的實的的感 配上水果、忌廉、雪糕，勁好食 因為新鮮出爐，冷熱交織，好有豐富的口感 這個真心不錯吃！推一個！ 火龍果新年Soufflé 會呼吸的空氣中充滿了蛋香 蓬鬆感十足，而味道又好濃郁 是少女打卡必食的，動L 動L， 口感輕盈沒有罪惡感 心形的貝殼蛋糕、大量的火龍果、士多啤梨、還有可愛的小龍 真是應節佳品！ 此店環境好，地理位置好 出品唔錯，可以再次光顧。 PHI Coffee & Pancake (雅蘭中心) 旺角雅蘭中心2樓207號舖 電話號碼 23210366